Naalagaaffeqatigiinnerup iluani suleqatigiilluarnerup inernera
Juulip aallaqqaataaniit sodavandinut, immiaaqqat allallu qularnaveeqqusigaasimasut akikinnerusumik nunatsinnut eqqunneqarsinnaalerput. Massakkumiillu nunatsinni pisiniarfiit atuisullu qularnaveeqqusiinerit marloqiusamik nunatsinnut danmarkimullu akilertarunnaassavaat – taamaallaat nunatsinnut akiliisalissapput. Imaapporlu – pisiniarfiit periarfissaqalerput nioqqutissat qularnaveeqqusikkat akiinik appaanissaminnut.
Tamannalu allannguut Atassummiit sukataarutigisimavarput – qujanartumilli naalagaaffeqatigiinnerup iluani pitsaasumik suleqatigiittoqarsinnaammat angusimavarput.
”Pissusissamisuuginnarpoq nunatsinni atuisut marloriarlutik qularnaveeqqusiissut akilertassanngikkaat. Atassummiillu iluarsiissutissamik noqqaasimavugut, nuannaarutigaarpullu danskit avatangiisinut naalakkersuisuat uagullu naalakkersuisugut suleqatigiilluarlutik piviusunngortikkaat,” Aqqalu C. Jerimiassen oqarpoq.
”Angusaqarnerup takutiinnarpaa naalagaaffeqatigiinnermi pitsaasumik suleqatigiittoqarsinnaasoq. Toqqaannartumik pitsannguutaassaaq, uagullu suliassaraarput suleqatigiinnermi allanik assingusinnaasunik aporfiusartunut aaqqiissutissanik ujartuinissaq, aningaasaqarnitsinnut pitsanngoriaataasussanik,” Aqqalu C. Jerimiassen oqarpoq.
