Tai pissutsit eqqumiilluinnarput, atuarfik 600 millionilik ukioq ataaseq sinnerlugu kinguaattoortussanngorpoq. Kommunillu pisariaqartippasinngilaa angajoqqaat innuttaasullu paasitissallugit susoqarnersoq.
Massakkummi ilisimasatuagut tassaapput tusagassiorfiit aktindsigteqarlutik saqqummiunnikuusaa.
Ippassarlu naqissuserneqarpoq, meeqqat atuarfigisimasaat oqoqartoq, atorneqarsinnaanngilluinnartullu nalilerneqarluni, kommunillu USK matusariaqalersimavaa.
Ukiorpassuarni sanaartornerup iluani sulinikuullunga, aatsaat tusarpara, suliaq, sanaartugaq, naammassereerluni ukioq ataatsip ilivitsup, immaqalu ataaseq affarlu kinguaattoortoq. Peqqutissaqarluarsimassagunaraluarput, aamma kommuni tamaviaarsimassagunaraluarpoq aaqqiissuteqarniarluni. Taamaattorli paasissutissiisoqartannginnera – allaanngiivippoq Kommunip pissutsit ajorivallaarnagit ernumassuteqarpallaanngitsoq.
– Nikolaj Rosing
Aaqqissuussaanikkut siulittaasup tullia
Atassut
