Ilumut inuit isumaqartinneqarnerpat Uran pillugu innuttaasut taasitinneqarsimasut?

Aap, qinersinissamut suaaruteqarneq uranimik tunngaveqarpoq, aamma qinersinerup inernera uranimut tunngalluni. Taamaattorli inuit isumaqalersimarpasipput Inatsisartunut qinersineq uran pillugu innuttaasunut taasititsinerusoq.

Takusinnaalersimavarpummi inuit oqalullutillu allattut uranigooq pillugu taasereersimasugut. Paasitillaqunarpoq, Inatsisartunut qinersineq taavalu Innuttaasunik taasititsinerit assigiinngimmata.

Inuit qinersiartorput pingaartumillu nul-torancip atuutilernissaa tunngavigalugu qinersinerup inernera aalajangiisooqataalluni. Taavami qinersinerup tulliani? Allat qinerneqarsimassappata, aallaqqaataaneertussanngussaagut. Taavalu qinikkat nutaat nul-tolerance aamma peeqqeriaannaalluni. Taamaammammiuna qineqqusaarnermili Atassummiit qineqqusaarutigigipput Innuttaasut taasitinneqassasut, allanngorartussaanngitsumik aalajangertoqarnissaa pillugu.

Innuttaasut taasitinneqarsimatinnagit, uran qinersinerni initujuaannassaaq. Qulakkeerinnittoqarsinnaanarviarnanilu.

Ersarissumilli oqaatigilarput. Atassutip uranitalimmik aatsitassarsiornissamut akuersaartuunanilu naaggaartuunngilaq. Uran parteeqanngilaq. Tunngaviusumik isummerfissatut isigaarput innuttaasunut taasititsinikkut. Partiit pinnagit, demokrateeqarnerpullu illersorlugu.

 

Nikolaj Rosing

Politikkikkut siulittaasup tullia, Atassut

Nutaarsiassat innersuussat