Massakkut uran pillugu innuttaasut taasitinneqarlik

Uran pillugu innuttaasut taasisimatinnagit Inatsisartuni oqallinnerit Inatsisartunullu qinersinerit tamarmik uranimut tunngatinneqartualissapput. Innuttaasut taasitillugit oqallinneq tamakkiisumik inernilertigu.

Piffissamik, nukissanik, innuttaasullu aningaasaataannik asuli atuilussinnassaagut, killeqanngitsumik uran pillugu Inatsisartuni oqallittarniarutta suliassarpassuit allat tunulliullugit. Innuttaasut taasitinneqartinnagit qinersinerni oqallisissarpassuit pingaarutillit uran pillugu oqallinnermik ipisinneqartuassapput.

Demokratii ajugaatinneqarli, ingerlariaqqittalu.

Aqqalu C. Jerimiassen

Siulittaasoq, Atassut

Nutaarsiassat innersuussat