Ilaqutariinneq tassaavoq sukarsuaq pingaarnerpaaq

Maani nunami ilaqutariit sukarsuit pingaarnerpaatut isigivagut, meeqqallu inuunerminni pitsaanerpaamik aallartilluarnissaat kissaatigaarput. Aamma anaanatut ataatatullu inuunerup immikkoortuata nutaap aallaqqaataata sapinngisamik ajunnginnerpaamik aallartinnissaa.

Peqqissaasumik ilaqutariiinngorlaat iluaqutissaraluannik pulaarneqarnissaat atunnginnatsigu, Atassummiit sulissutigerusupparput ilaqutariinngorlaanut inunnik isumaginninnermut siunnersortimik pulaartalerneqarnissaat. Pisariaqartitsinerlu naapertorlugu artornartorsiornerpaat sapaatip akunneranut tiimi ataaseq pisinnaavoq, nalinnginnaasumillu kvartal-imut ataasiarluni pisinnaalluni.  Inuunermik aallartilluarnissaq meeqqatut angajoqqaatullu ikuinissaq pissutigalugu.

Isumagisassarpassuit ulluinnarni pisartut ilaqutariinngorlaannguanut sakkortusinnaavoq. Ilisimasalinnillu siurnersorneqarnikkut ulluinnaat oqinnerulersissinnaavaat, minnerunngitsumik meeqqat pitsaasunik sinaakkuteqalernissaat qulakkeerniarlugu. Taassuma saniatigut angajoqqaanngorlaat nalornisorpassuit ilisimasalinnik siunnersorneqarnikkut ikorneqassammata.

Meeraaqqap oqariartuutai, eqqortumillu nerisaqarnissaa sinilluartarnissaalu paasilluarnissaa pissutigalugu. Uagut Atassummiit inuiaqatigiinnut siunissaq pitsaasoq kissaatigaarput, innuttaasut pisortanut tatiginnilluartuuniassammata.

Isumaqarpugut inuttut toqqavipput ilaqutariinniittoq, ineriartunngikkutta, ilinnianngikkutta, ilinniartitsinngikkuttalu toqqammavik qupissaaq ajalusoorlunilu. Taamaattumik Atassummiit kissaatigaarput Namminersorlutik Oqartussat Kommunilu pisariaqartitsineq naapertorlugu angerlarsimaffimmut pulaarluni siunnersuisarnissaq ukkatarilissagaa.

 

Nikolaj Rosing

Politikkikkut siulittaasup tullia

Nutaarsiassat innersuussat