Nunatsinnut suliartortut nakkutigineqarnerulerlik

Ajornartorsiummik nalaataqaraangatta iliuuseqartaraluarpugut. Taamaattorli qassissaa tusalernerparput mittarfiliornermi nunatta avataaniit tikerartut corona nassarlugu tikittut. Naatsorsuutigisimagaluarparpummi siullermik taamatut pisoqarmat taakkununnga sukaterisoqareersimassasoq. Taamaanngilarli. Tupigusuummernarporli, nunatta inui sakkortuumik killilersorneqariarlutik, avataaneersut soorlu immikkut nakkutigineqarnatik kiffaanngissuseqartitaassappata.

Piffissanngorluinnarpoq Naalakkersuisut, Peqqinnissaqarfik Politiillu sukannernerusumik avataaniit suliartortunik nakkutiginninnerulernissaat. Suliffeqarfiillu avataaniit tikisitsisartut akisussaaffimminnik paarinninnerulernissaannik naqissusiiffigalugit.

Sulimi akiuussutissamik kapitinngitsut amerlaqaat, suliartortut, taakkunanilu aallaqattaarlutillu uteqattaartut coronamik nunatsinnut eqqussuiinnavippata nunaqqatitsinnullu tuniluuterujussualeriasaassappat aqussinnaanngisatsinnik, peqqinnissaqarfipput malinnaasinnaanavianngilaq. Inuup inuuneranik naleqannginnerani iliuuseqartoqarli.

Nunatsinni ineriartorneq sanaartorlu unitsinngikkaluarlugu, inuup peqqissusaa qitiutillugu sillimaniarneq ingerlanneqarli. Eqqaamassavarpullu mittarfiliortuinnaat uani pineqassanngimmata, allalli suliffeqarfiit avataaniit sulisussaminnik tikisitsisartut, soorlu aamma maani kujataani aatsitassarsiortut guultisiortullu aamma eqqumaffigineqartariaqartut.

 

Kim Ezekiassen

Kommune Kujalleq, kommunalbestyrelsimut ilaasortaq

Atassut