Innuttaasut taasitinneqarlik

Uranitalimmik aatsitassarsiornissamut isummernissaq innuttaasuniissaaq, partiiniunngitsoq. Taamaammat Atassummiit kissaatigaarput partiilersuunnertaqanngitsumik demokratiip aqqani inuk qitiutillugu kujataani innuttaasunik taasititsinissaq ingerlanneqartariaqartoq. Taakkuuppummi toqqaannartumik sunniutissaanik kingunerisassaanillu aqqusaagaqartussat.

Taasititsinissamik massakkut Atassummiit oqariartuuteqarnerput isummat assigiinngisitaarnerannik aallaaveqarpoq partiilu apeqqutaanani isummerfissaalluni. Isummernissaq annertoorujussuuvoq tunngaviusumillu isummerfissaalluni. Siunissarput uani eqqartorneqarpoq, suliffissaqartitsinissaq, aningaasarsiornissaq, uumasuuteqarneq, peqqissuseq, pinngortitarpullu eqqartorneqarlutik.

Taamak annertutigisumik isummertussaatilluta inuit aalajangiisariaqarput, sioqqullugulu annertuumik paasititsiniaaneq ingerlanneqartariaqarluni, inuup isummernissaminut tunngavissai. Naalakkersuisullu demokratiimik ataqqinnikkunik suliaq piaartumik aallartissavaat.

Taamatut Atassut tamakkiisumik isummerluni nalunaaruteqarpoq. Inuup kiffaanngissusia isummersinnaaneralu ataqqillugu.

 

Atassut

Nutaarsiassat innersuussat