Demokraatinut – Ilumut suli Kim Kielsen illersorniarpisiuk?

Paaserusunnarpoq Demokraatit suli Kim Kielsen-imut taperseeqataaginnarniarnersut, naak unioqqutitsinerpassuit pisimagaluartut.

Angallat inuussutissarsiutitut aalisariutitut akuerisaanngitsoq, inuussutissarsiutigalugu aalisartumut nipisaat suanniarniartumut attartortippaa.

Tamanna ilisimagaluarlugu inhabiiliulluni nipisaat suanniartunut pisasseeqataaqqippoq.

Kukkunersiuinermut ataatsimiititaliap paasissutissanik qinnuteqarnera tamakkiisumik akissuteqarfiginngilaa. Isertugassaqarsimanngikkuni sooq tamakkiisumik paasissutissiinngila?

Tupinnarsivoq kiisa sooq Demokraatit taamatut pisunut suli taperseeqataaginnarniarnersut. Pissaaneq iluatigalugu taamatut ingerlaannarniarpat? Sumut killeqarniarpa?

 

Aqqalu C. Jerimiassen

Atassummi Siulittaasoq

Politikkerit imminnut sullittussaanngillat

Qularutigineqassanngilaq illuatungiliuttutut pisinnaatitaaffitta oqariartuutiginissaa, kanngunarujussuaqaarlu Naalakkersuisut siulittaasuata pissaanermik atornerluinera. Saniatigut eqqartortariaqakkatta ilagaat sooq politikkerit pingasut nunatta karsianit aningaasanik atukkiunneqarsimanerat, tamanna takutiinnarpaa nerriviup naqqatigut nipangersaalluni imminut sullinneq. Aalisartut ilungersortut ilaatigullu aningaaserivimmit attartornissaminnut itigartitaasut, akileraarutip qaffasippallaarneranik aningaasarsiornikkut ajornartorsiortut, ilaatigullu utoqqalinermusiaqalernissamut katersisimannginneq peqqutaalluni akileraarut 50%-it sinnerlugit akileraartussaatitaaneq inuiaqatigiini eqqunneqarsimalluni.

Eqqarsartoqartariaqalerpoq politikkerit naalakkersuinermik ingerlatitsuusut imminut sullinnertik inuiaqatigiit qimallugit akisussaaffilersorsimanerat, tamanna akuersaarneqarsinnaanngilluinnarpoq.

Isumaqarpunga inuiaqatigiiusugut naalakkersuinermik ingerlatsisunut kukkunersiunerput ingerlaqqittariaqartoq, pissaanermilu atornerluisoqarsimatillugu pinngitsoorsinnaangisatsinnik qinerseqqittoqartariaqalersoq. Inuiaqatigiit tassaavusi pisinnaatitaaffeqarlusi amerlanerussusiisinnaasusi, pingaarnerpaaginnarporli qanoq uppertikkuminartuunersusi.

Naalakkersuinermik ingerlatsisuusut saamerlertut eqqarsartaasillit nunatta siunissaa sequtserpaat, inuiaqatigiillu makiseqqinnissaanut artukkeerujussuartutut taakkartorneqarsinnaalluarpoq. Tassami immikkoorsitsilluni sullissineq tusiapittumillu inuiaqatigiinut kiffartuusinerup kingunerisai imminut sullinneq salliunneqartuassaaq, taamaammat inuiaqatigiit siuttunit uppertitarineqartut neriuppunga silattuaqisimassasut, saamerlertut sullissinerup kiffaangissusiiarujussuarpaasi.

Inuss. Inuull.

Bentiaraq B. Ottosen, Atassut