Coronap nalaani Inatsisartut akissarsiaat apparneqarlik

Suliffeqarfippassuit, inuussutissarsiutilippassuit, sulisorpassuillu Coronap nalaani annertoorujussuarmik annaasaqarput. Nunatta Inatsisartuisa akissarsiaat annikillilaarneqarnerisigut napatitseqataanissamut toqqaannartumik tapeeqataasinnaapput.

Assersuutigalugu qaammammut 5.000kruuninik akissarsiagut apparpata, ukiup ataatsip ingerlanerani 1,8 mio. Kr. Sipaarneqarsinnaapput. Suliffeqarfippassuit inupparujussuillu Coronap nalaani artorsangaartut, uagut Inatsisartuusugut akissarsinngitsoornissatsinnik ernumassuteqarnata ingerlarujoorsinnaagaluarpugut. Taamaattorli Inatsisartuusugut kivitseqataalluta, akisussaaqataallutalu pilliuteqaqataasinnaagaluarpugut.

Pissutsit massakkutut itsillugit Atassummiit ukiaru Inatsisartut ataatsimiinnissaannut siunnersuutigissallugu aalajangerpugut.

Aqqalu C. Jerimiassen

Atassutip Siulittaasua

Nutaarsiassat innersuussat