Inuiaqatigiinnut aalleqattaarnersuaq unitsillugu, avammut niuernermut pikkorinnerulerta

Atassutip Inuusuttaasa akitsuutit eqqunneqarnerani, inuiaqatigiit aningaasaataanik aallerneq akerleraa. Avammut niuernermi nunatta pisuussutai atorluarneqartariaqarput, avammullu niuernermut pikkorunnerulerluta.

Inuiaqatigiit akileraartarnikinnerat akitsuutinillu akileerpiartannginnerat ajornartorsiutaanngilaq, Naalakkersuisulli aningaasanik aqutsinerlunneranik peqquteqarpoq. Akitsuutinik qaffaaneq, inuiaqatigiillu aningaasaataanik aallerneq ajornartorsiummut matussusiiniarneruvoq.

Aningaasat inuiaqatigiinniit aaneqarnatik allatigut aaneqarsinnaagaluarput, soorlu avammut niuernernikkut aningaasanik aallertoqarsinnaavoq. Avammut niuernermi nunatta pisuussutai atorluarneqartariaqarput, avammullu niuernermut pikkorinnerulerluta. Nunatsinni aatsitassaateqarpugut, aalisarneq suli inerisarneqarsinnaavoq, nunatsinnilu takornariaqarneq suli inerisarneqartariaqarpoq aningaasatigut nunatsinni isaatitsiniaraanni.

Nunarsuarmi silaannaap allanngoriartornerani nunarsuup ilaani sumiiffimmi imeq pisariaqartinneqaleraluttuinnarpoq amigaatigineqalerlunilu, nunatsinnilu imeq kuuginnarpoq pisuuttutitsinnilu annerpaat ilaanniippoq. Nunatsinni imeq avammut tunisassiassaqqitutut Atassutip Inuusuttaaniit isigaarput, nunatta pisuussutai atorluarneqartariaqarput imiinnaanngitsoq aammali allat, avammullu niuernermut pikkorinnerulertariaqarpugut.

Atassutip Inuusuttai isumaqarput Naalakkersuisut aningaasanik aqutsinerlunnerannit, innuttaasut eqqorneqartuarnerat naammalertoq, inuttaasut aningaasanik aallerfigineqartuarnerat unitsinneqartariaqarpoq.

Emma Lennert

Siulittaasoq, AIK

Nutaarsiassat innersuussat