Atassutip naalagaaffeqatigiinneq attatiinnarusuppaa

Ukiuni kingullerni ersarinngitsumik isummertareersimalluni, Atassut naalagaaffeqatigiinnermut tamakkiisumik attassiinnarusunnini naqissuserpaa.

Atassut namminersulernissamut qanillattulersimagaluarnera kukkuneruvoq. Massakkullu Atassut inissaminut uteqqippoq.

Nukigummi atussavagut nunatta ineriartortinnissaanut, namminersorniarsarinermuunngitsoq. Pingaaruteqarluinnarporlu naalagaaffeqatigiinneq atorluassallugu, suleqatigiiffiusinnaasut ullumikkorniit suli annertunerujussuummata.

Tunngaviusumillu inatsisissaq pillugu isumalioqatigiisitami akuunerput attatiinnarallassavarput, illuatungiliuttuulluta isumarput ersersikkusukkatsigu. Pisariaqarpormi misigissutsit aallaavigalugit sulinngitsumik suleqataasoqarnissaa.

Ataatsimeersuarnerup aqaguani sapaat 10. november taatsimeersuariaqataasut isumasioqatigiinnermi oqallilluareernermikkut oqaaseqatigiit uku naqissuserpaat. Taakkulu Atassutip tunngaviusumik isumaanni naggasiisutut allaqqalissallutik.

Atassutip Naalagaaffeqatigiinneq attatiinnarusuppaa.

Ukiuni qaninnerni namminiilivinnissaq Atassummiit piviusorsiortutut isiginngilarput. Massakkkut piffissaanngilaq aamma piareeqqanngilagut.

Atassutip tunngaviusumik isumai ersarissarluarsimasagut piffissami qaninnermi saqqummiukkumaarpagut.

 

Aqqalu C. Jerimiassen

Siulittaasoq, Atassut

Nutaarsiassat innersuussat